Kinabukasan maaga akong nagising para pumanhik na sa mansyon. Pagdating ko roon ay may mga nakaparada nang mga sasakyan sa harapan.
Nandito na yata sina Don. Nagmadali akong pumasok sa mansyon at tumambad sa akin ang mga magpipinsang pagod at inaantok pa sa sala. Inaantok pa ang mukha nina Leonel habang si Lorenzo naman ay napatingin sa akin at madali namang ibinalik sa matandang nagsasalita sa harapan nila katabi ang tatlo pang lalaki sa tabi niya. Siguro ito na yung tatlo pa nilang mga pinsan.
Maloloko ang mga ngiti nito sa mga pinsang nasa katapat na upuan naka upo.
"Ano ba ang pinaggagawa ninyong mga bata kayo at parang ang tatamlay ninyo? Jusko! Venancio hindi kana kasing gwapo ko, para kanang sunog na longganisa." Napahagikhik ako nang marinig ang sinabing ito ng matanda . Pinanla
