Kabanata XIX (cont.)
“At dahil sa pagiging matunog ng pangalan nito ay nakarating iyon kay Don Leandro. Inalok s’ya ng Don ng stay-in na trabaho sa hacienda. Hindi na rin iyon tinanggihan ni Itay dahil sino ba naman ang hindi papayag na tumira sa magarang bahay, ‘di ba? Sa loob ng halos dalawang taon ay doon s’ya nanirahan bilang bodyguard ng pamilya ng Don. A-at sa mga panahong iyon ay ni hindi kami nagkausap o nagkita man lang.” Narinig ko ang biglaang pag-iiba ng tono nito. Tila may bumara sa kanyang lalamunan habang sinasabi ang mga salitang iyon. “Alam mo kasi, anak, masyado kong dinibdib ang ginawang pang-iiwan sa akin ni Itay noong sanggol pa lamang ako. Kaya noong dumating s’ya rito ay hindi ko rin s’ya pinapansin at kinakausap. Naging masama ang trato ko sa kanya. Hindi ako naging mabuting anak sa k
- Writer
