"Nandito na po tayo mam, puwede na po kayong bumaba," rinig niyang sabi ng drayber ng sasakyan sa harapan.
Tahimik lamang siya sa buong durasyon ng biyahe. Hindi rin siya umidlip man lang.Nawili siya sa kakatingin ng mga nagagandahang tanawin sa labas ng kotseng dinaraanan nila.
Unang tapak niya pa lang sa probinsiya nila Alexis kaya't hindi maikukumpara ang mga pagbabagong nagganap mula noon hanggang sa kasalukuyan. Ngunit masasabi niyang progresibo na ang pinakasentrong bayan ng Quezon kung saan siya ngayon.
"Salamat po," naisatinig niya at tangka na sanang bubuksan ang pinto ngunit maagap ang drayber at nabuksan nito ang pinto para sa kanya.
Gayon na lang ang pagkamangha niya ng nagliparang ilaw at tunog ng camera ang salit salit na nagkatunugan sa pagkuha sa kanya ng larawan at mar
