— Ainna's flashbacks continuation —
HAPON ANG schedule ng pagpasok ko ngayong lunes hanggang biyernes. Pa-iba-iba kasi ang schedule namin, though, kaming managers ang gumagawa ng schedule. Ang gusto ko lang talaga, hapon ang maging schedule ko hanggang gabi para sa closing time. At para magkaroon pa ng oras na makausap ko si Sehun. Hindi ko nga alam kung bakit nag-eenjoy akong kausap ang lalaki. Para bang gusto kong sulitin ang oras na magkausap kaming dalawa.
Kung noon ay sa chat lang kami nagkakausap, ngayon nag-level up na. Lagi na rin kaming magka-text at kung minsan ay nagtatawagan pa. Akala ko nga noong gabi na nagkita kami, hindi na niya ako kukulitin sa chat. Pero nagkamali ako, mas naging makulit siya at mas naging malapit kami sa isa't isa pagkatapos niyon.
Patagal nang patag
