— Flashback —
"MA'AM, pa-manager code po!" sigaw ng isa sa mga cashier. Nang marinig ko iyon ay dali-dali ako lumabas ng office at pinuntahan ito. Sumalubong sa akin ang dagsa ng tao. Maraming tao ngayon dahil malapit nang magpasko tila nagkakagulo na. Ingay ng mga customers na nag-uusap tungkol sa kanilang bibilhin, mga cashier na nagte-take ng orders, mga service crew na naglilitawan sa kung saan upang i-assist ang mga customer at ang mga kitchen staffs na naririnig ko pang nagpapasuyo nang nagpapasuyo sa mga kapwa nila crew upang ipaabot ang isang bagay.
"Mag-isa ka lang, ma'am?" tanong sa akin ni Lia nang hindi nakatingin sa akin kundi sa kaya nito. Abala ito sa pagsusukli sa kaniyang customer nang may ngiti sa labi.
"Always naman," pagbibiro ko. Tumawa siya nang bahagya pagkatapos
