SCYTHE'S POV
MATAPOS ANG isang linggo buhat nang sumailalim ako sa chemotherapy ay naging mabuti ang pakiramdam ko. Lumipas ang isang linggo na sa awa ng Lumikha, hindi naman ako nakaramdam ng pagbabago sa aking katawan bukod sa medyo naging maayos ang pakiramdam ko. Ngunit hindi pa rin ako pinayagan ng mga doctor na makalabas. Dito na lang muna ako sa hospital ng tatlo pang araw para ma-monitor ang aking kalusugan bagay na hindi ko naman kinontra kasi ano namang mapapala ko kung kokontrahin ko iyon? Mapapagod lang ako.
Ayoko nang mapagod kaya kung ano ang gusto nilang gawin sa katawan ko, ayos lang. Hindi naman sa akin 'to. Pinahiram lang sa akin ang katawan na ito. Pero masaya naman ako. Iyon nga lang, parang laging ubos na ubos ang energy ko. Hindi pa rin ako makapag-isip nang maayos
