THIRD PERSON'S POV
ABOT LANGIT ang kaba ni Andrew nang tingnan ang oras sa kaniyang suot na wrist watch. Ilang oras na simula nang maghiwalay sila ng landas ng kaniyang kaibigang si Imee at hindi na maganda ang kutob niya. Hindi niya maintindihan ang sarili ngunit kulang na lang ay maihi siya sa kaba at takot na nararamdaman. Ang tagal na nito sa loob ng mansyon na iyon at talagang kaunti na lang ay papasukin na niya ang loob ng mansyon na iyon.
Ngunit pinag-iisipan niya nang mabuti. Kung sakaling mahuli siya ng mga bantay at ng iba pang mga kasamahan ng mga ito, sinong bubuhay sa pamilyang maiiwan niya? Ayaw niyang matulad sa mga pamilyang tinutulungan nila ni Imee na hindi alam kung saan hihingi ng tulong at kung paanong magsisimula sa buhay dahil halos karamihan sa mga napapatay ng am
