THIRD PERSON'S POV
GUSTONG MAIYAK ni Ainna nang makita ang lalaking minamahal. Sa tagal ng panahon, na hindi niya ito nakikita nang malapitan, totoong na-miss niya ito nang lubos. Hindi niya maintindihan ang sarili. Dapat nagagalit siya sa lalaki. Dapat hindi niya ito pinapansin. Sa ginawa nito sa kaniya na pakikipaghiwalay, dapat ay magalit siya. Pero hindi, eh. Hindi iyon ang tinitibok ng puso niya. Hindi iyon ang sinisigaw ng isip niya. Kahit nga siguro ilang beses siyang saktan nito, babalik at babalik siya sa taong ito. Babalik at babalik siya sa una at huling lalaking minahal niya. At si Sehun iyon.
Akala niya noong una, masungit talaga ang pinsan niyang si Imee, hindi kasi iyon ang pagkakakilala niya rito sa tuwing icha-chat or ite-text niya hindi. Bagaman malaki ang boses nito ay
