BRUNO'S POV
HINDI NAGING madali para sa akin ang kunin ang loob ni Scythe at makipagkaibigan sa kaniya noon. Dahil noong mga panahon na iyon, bago pa lang simula nang malaman niya na may sakit siya. At cancer pa. Isang matinding sakit na panghihinain na nga ang katawan mo, panghihinain pa ang loob maging ang pananampalataya mo.
Idagdag pa na nakipag-break si Scythe sa long time boyfriend niya noong malaman na stage 4 na ang cancer niya. Ang akala kasi niya, wala nang lunas para sa sakit niyang iyon kaya agad-agad siyang nakipaghiwalay. Bagay na hanggang ngayon, alam kong pinagsisisihan niya. Halata naman. Hindi na ako dapat nagtataka.
Noong mga panahon na iyon, sobrang tigas ng ulo ni Scythe. Para bang naghihintay na lang siya na malagutan siya ng hininga. Hindi siya kumakain, hindi siy
