Nagising ako nang maramdaman ko na may yumuyugyog sa katwan ko.
"Kenan," anito kaya unti-unti kong idinilat ang mga mata ko at mukha ni Joyce ang bumungad sa akin kaya umayos ako sa pagkakaupo at pumikit-pikit upang mawala ang hapdi ng mata ko. "Lunch break na," sabi niya.
"Gano'n na ba ako katagal na nakatulog?" tanong ko rito bago ilibot ang paningin sa buong classroom at nakita ko na wala na ang iba naming ka-block.
Natulog na lang ako dahil wala rin naman ang mga professor namin.
"Hindi naman, simula lang naman nang pumasok ka ay tulog ka na," sarkastikong wika nito kaya napakamot ako sa aking ulo bago tumayo at mag-inat. "Bakit ba napuyat ka?" tanong nito sa akin.
Kinuha ko ang bag ko bago tumingin sa kaniya at magsalita.
"Hindi ako nakatulog kagabi," tugon ko rito na nakapagpat
