LUNA's POV
Nagising ako nang biglang bumukas ang pinto ng k'warto namin ni Kenan at do'n ay pumasok si Drake na akay-akay si Kenan na lango na lango sa alak kaya napabangon akong bigla upang tulungan si Drake na maipasok sa loob ng k'warto si Kenan.
"Ano'ng nangyari? Ang akala ko ay kakausapin mo siya?" takang tanong ko kay Drake bago hawakan si Kenan at na ngayon ay nakapikit at halatang lasing na lasing.
Napangiti naman sa akin si Drake at napakamot sa kaniyang ulo.
'Halatang may tama na rin ang isang 'to.'
"Napatagay lang kami pero konti lang naman," aniya bago bitawan si Kenan nang makarating na kami sa kama. "Sige na, naabala pa kita, matulog ka na, bukas ay kailangan natin mag-usap, Luna," sabi nito bago ako bigyan ng isang makahulugang tingin bago umalis sa harap ko at lumabas
