ANNIE'S POV
"Hindi totoong anak ni Tiyo Inoh si Isaiah."
Narinig ko ang sinabi ni Mama, ngunit tila bumagal ang mundo ko sa pagproseso ng mga salitang binitiwan niya.
"Hindi… hindi totoong anak ni Lolo Inoh si Tito Isaiah?" halos pabulong kong tanong, ramdam ang panlalamig ng aking mga kamay.
Tumango si Mama, bakas sa mukha niya ang bigat ng rebelasyong matagal nilang itinago. "Anak siya ng kapatid ng Lolo Inoh mo. Noong mabuntis ang kapatid niya, isang malaking eskandalo iyon sa pamilya nila. Bata pa kasi ang kaniyang ina. Para pagtakpan ang kahihiyan, inako ng Lolo Inoh mo si Isaiah bilang sarili niyang anak."
Napasinghap ako. "Kung gano'n… bakit hindi niyo sinabi agad?" tanong ko, dama ang paninikip ng dibdib.
Si Papa naman ang sumagot, halata ang pagsisisi sa tinig niya.
"Ito ka
