JAYDEE
Nagmamadali kong inayos ang mga gamit ko na nasa counter dahil baka abutan ako ng rush hour. Baka hindi ko rin maabutan si Albert sa opisina niya kapag nagtagal pa ako rito sa shop. Tumatawag siya sa akin kahapon pero hindi ko siya sinasagot. Gusto ko siyang surpresahin ngayong anniversary namin. Gusto ko malaman niya na kahit nawalan ako ng panahon sa kanya ay mahalaga pa rin ang relasyon naming dalawa. Gusto ko ibalik ang samahan namin no'ng nagsisimula pa lamang kaming dalawa. Nagbilin na rin ako sa mga staff ko at kay Josa na sila na ang bahala sa shop.
Nang sabihin ko kay Josa ang plano ko ngayong araw ay labis na pagkayamot ang nakita ko sa mukha niya. Hindi masama ang loob ko sa kanya dahil sa pinapakita niyang pagkadisgusto kay Albert. Mas okay nga iyon dahil honest siya
