JAYDEE
Dalawang linggo na ang nakalipas simula ng ma-ospital si Lola Amor ngunit hindi pa rin ito nagkakamalay. Nilipat na rin ito sa private room dahil bumubuti na ang lagay nito. Halos araw-araw kami dumadalaw ng magulang ko para alamin ang kalagayan niya.
Hindi na rin ako nagpapasundo kay Lucas dahil mas kailangan siya ni Tita Lucy at Lola Amor. Gusto niyang ipahatid at sundo ako kay Mang Norman pero tumanggi ako.
"Ate Jaydee, kumusta na po si Lola Amor?" tanong sa 'kin ni Drixx. Nasa mesa nila ako. Wala naman kasi masyadong customer kaya minabuti ko muna na makipag-usap sa kanila.
Tinaasan ko siya ng kilay sa tanong niyang iyon.
"Bakit hindi n'yo na lang dalawin si Lola Amor para malaman ninyo ang kalagayan niya? Kapitbahay n'yo lang si Lucas, hindi ba? Pero bakit wala man lan
