“RELAX,” pagpapakalma ni Nicholo kay Katarine. Binuksan niya ang bote ng tubig na kinuha niya sa may lamesa at ipinainom iyon sa dalaga bago ito iginiya na umupo sa may sofa. “Stay here, aayusin ko lang ‘to,” aniya saka nagmamadaling inimis ang nagkalat na basag na tasa at bubog sa lapag.
Hindi pa rin nawawala ang sari-saring emosyon sa mukha ng dalaga nang balikan niya ito. Alam niyang nasa denial stage pa ito bagama’t kahit noong naroon pa lang sila sa mansyon ay sinabi na niya rito ang hinala nila sa lalaki maging sa mag-asawang katiwala base sa mga napanood nilang CCTV footages at mga fingerprints na napagtanto nina Tony na dalawa sa mga nagmamay-ari ng mga partial fingerprints sa dating investigation files. Sa ngayon, mayroon na silang maidadagdag na sapat at konkretong ebidensya lab
