SA LOOB ng dalawang araw mula nang may mangyari kina Katarine at Nicholo ay pinilit nilang maging kaswal ang pakikitungo nila sa isa’t isa at sadya nilang iniwasan na pag-usapan ang tungkol sa nangyari sa pagitan nila o kahit na ano pa mang topic na may kinalaman sa nararamdaman nila sa isa’t isa.
Mahirap kay Katarine. Lalo at habang tumatagal ay palalim nang palalim ang nararamdaman niya para kay Nicholo. Oo, alam niyang mali. Alam niyang masasaktan lang siya sa bandang huli. Pero, mapipigilan ba niya ang sarili gayong sa loob ng ilang taon ay walang naging laman ang puso niya maliban sa lalaki? Masisisi ba niya ang puso na magwalang muli lalo at may nangyari na ulit sa kanila at kasa-kasama niya ito sa iisang bubong?
Sa totoo lang, ilang beses nang sumagi sa isip niya ang tuluyang ang
