ISANG malalim na hininga ang pinakawalan ni Katarine habang nakatitig sa puntod ng kapatid niyang si Marjorie. Hinalikan niya ang petals ng tangan niyang isang piraso ng white rose at saka iyon ipinatong sa ibabaw ng puntod ni Marjorie. Inilagay niya rin ang isa pang tangan na white rose sa katabing puntod na kinahihimlayan naman ng asawa ni Marjorie na si Charles, bago siya umayos ng tayo habang pigil ang mga luha na ngumiti.
“I'm getting married, Yuri!” excited na sambit niya pagkabalik niya ng tingin sa puntod ng kapatid, pagdaka’y tumingala para hindi tuluyang bumagsak ang luha na kanina pa niya pinipigil bago itinaas ang tangan na panyo at banayad ‘yong idinampi sa gilid ng dalawang mata niya. Muli siyang humugot nang malalim na hininga at saka kinagat ang pang-ibabang labi niya. May
