PAKIRAMDAM ni Katarine ay pinupunit ang bawat hibla ng laman niya partikular na ang puso niya habang lulan ng yate na inarkila ni Nathalie para makaalis sila sa islang iyon ng hapon ding iyon. Kahit anong pakiusap pa nga ni Gracie sa kaniya na gusto nitong makita at makausap si Nicholo ay ipinagkait niya iyon sa bata. Nagsinungaling pa nga siya rito at sinabi sa pamangkim na kamukha lang iyon si Nicholo, bagay na duda niya ay pinaniwalaan nito.
Kasalukuyan siyang nakahawak sa railings ng yate habang isinasayaw ng hangin ang buhok niya at nakatanaw siya sa walang hanggang tanawin ng karagatan. Mabuti na lang at may suot siyang salamin. Kahit papaano ay naikubli niyon ang malungkot at namamaga niyang mga mata dahil sa ginawang pag-iyak kanina.
“A penny for your thoughts?” untag sa kaniya n
