Episode 44
Dominic `Dona’ Nambria’s POV
Tahimik lang kaming kumakain ni Paul sa may terrace ng kwarto namin. Tanaw na tanaw ko ang magandang karagatan habang kumakain ng take-out naming pagkain sa Filipino restaurant.
Ang pagkain ni Paul ay kanina pa nasa harapan niya pero kahit isang subo ay wala pa rin siyang nababawas doon. Ang mga mata niya ay taimtim lang na nakatingin sa akin na para bang may gustong sabihin. Inantay ko siyang magkaroong ng lakas ng loob habang kalmadong kumakain sa tapat niya.
“M-masarap ba?” naiilang na tanong niya sa akin.
Matapos ang nangyaring eksena kanina, hindi na kami nagkibuang dalawa. Pinapakiramdaman ko lang siya tulad ng ginagawa niya sa akin ngayon.
“Bakit hindi mo tikman para malaman mo,” sagot ko.
Nagpatuloy ako sa pagkain ko habang sinasalubon
