HERMOINE
It was like my body needs to avoid them every time I saw Myrna and Thelma. Iwas na iwas akong magkasalubong ang mga daan naming tatlo kahit hindi naman ako pinakitaan ng kasamaan ni Myrna. Takot lang ako sa kanya dahil halata namang tomboy siya at mas lalo akong nasindak nang biruin niya ako noong unang gabi ko.
"Takot mo lang?" masigang pahayag ni Thelma nang huminto sa harapan ko.
Nakapila ako sa pasilyo ng banyo para makaligo na.
Ganito kami araw-araw rito. Paunahan para makapag-ayos at kung sino man ang mahuhuli ang siyang maglilinis ng buong banyo.
Nadala na ako noong minsang nahuli ako kaya medyo maaga-aga ako ngayon at sa tulong na rin ni Percy ay nakasingit ako para mapadali ang pagligo ko.
"Ayan ka na naman, Thelma," saway ni Percy at hinarang ang sarili niya s
