Napayuko ako habang nasa aking harapan ang taong nainsulto ko yata kanina sa meeting.
Sa totoo lang, nahihiya ako sa ginawa ko at ayaw kong isipin nila masiyado akong nagmamagaling.
"I-Inom po kayo, S-Sir..." anyaya ni Summer na halata rin sa kanyang mga mata na natatakot siya kay Sir Clinton.
Masayahin tingnan si Sir Clinton ngunit hindi roon nasusukat kung ano ang mayroong ugali siya sa loob-loob, lalo na kung naaapakan ang ego.
"Thank you, sweetie..."
Tipid na ngumiti si Summer at nagpaalam na umalis at tumungo sa aming silid.
Walang arteng ininom ni Mr. Clinton ang juice na ibinigay ng aking kapatid at saka ibinaba ito sa maliit na lamesa sa gitna. Umayos na rin ako ng upo at buong tapang siyang hinarap kahit na sa loob-loob ay takot na takot ako na baka sisantihin niya ako
