"Maghiwalay na tayo..."
Hanggang ngayon ay hindi pa rin mag-sink in sa akin ang mga sinabi ni Julz, ang pakikipaghiwalay niya na hindi ko maintindihan kung bakit...
"M-May problema ba tayo, Julz?"
May riin siyang umiling at pilit na iniiwas ang tingin sa akin. Wala kong ideya bakit biglaan ang pakikipagkalas niya. May gawa ba akong mali?
"A-Ako? May problema ba sa akin?"
Muli na naman siyang umiling kaya iniwas ko na ang tingin dahil nagbabadya na naman akong maluha.
Alam kong hindi ko pa mahal nang buo si Julius pero inaamin ko naman na nahuhulog na ako. Sa pamililit ko sa sariling papasukin siya sa puso ko ay hinay-hinay na sanang lumilisan si Alfe. Ngunit kung saan naman ako naging handa, ito naman ngayon ang umaayaw.
"Ritz, walang problema sa relasyon natin... walang problema
