Bakit siya pa rin? Siya pa rin, dahil hanggang ngayon ay mahal ko pa rin siya. Si Alfe pa rin ang laman ng puso ko. Si Alfe pa rin ang nasa isip ko. Si Alfe pa rin... siya pa rin...
Wala sa sarili akong napatitig sa likod ng lalaking nagmamaneho ng sinasakayan kong taxi. Natatakot ako sa kanya pero bakit nandito ako, nakasakay pa rin sa taxi niya at pinagkakatiwala ang sarili kong kaligtasan.
Si Alfe...
Ang amoy sa loob ng sasakyan na kaparehong-kapareho sa amoy ng loob ng kotse niya noon. Mas malaki ang katawan ng lalaking 'to kaysa sa rati kong kasintahan pero matagal na panahon nang hindi kami nagkita ni Alfe. Pagkatapos ng nangyari ay wala na akong balita sa kanya. Wala na rin siya sa isla.
Hindi kaya...
Hinay-hinay kong inusog ang sarili paharap para mas makita ko ang hitsur
