Mabilis kong inilayo ang sarili sa kanya kahit ayaw ng puso ko. Gusto ko siyang yakapin at halikan ulit dahil, katulad niya, sabik na sabik ako sa kanya. Ngunit hindi maaari. Nandito si Lolo at nakapaligid ang kanyang mga tauhan. Kailangan ng umalis ni Alfe dahil kung hindi, maaari siyang mapahamak. Kilala ko si Lolo at wala siyang takot sa mga kaya niyang gawin lalo na’t teritoryo niya ito.
Naka-blotter pa si Alfe sa mga pulis dahil sa pasugod sa amin kaya takot na takot akong mahuli siya.
Sana lang umalis na si Alfe rito bago pa may makakita sa kanya at magkagulo pa.
Hindi pa tapos ang sayawan sa gitna ngunit tumungo na ako sa puwesto ko sa harapan. It was so much effort for this, I appreciated it, but it wasn’t right. Tapos na kami ni Alfe at walang magandang happy ending sa amin.
