THE FAILED MISSION
EPISODE 49
SA LABAS na ako ng subdivision nagpahatid kay Alessandro at hindi ko na siya pinapasok pa sa loob. Alam ko rin na nagmamadali na umalis si Alessandro. Habang bumabyahe kami, sunod-sunod ang pagtunog ng phone ni Alessandro ngunit hindi niya ito sinasagot. Nakikita ko rin sa ekspresyon ng kanyang pagmumukha na para siyang nagpipigil sa kanyang sarili na may sabihin sa akin. Kung ano man ang problema niya, sigurado ako na may koneksyon sa problema ko ngayon.
Nagmamadali ako sa aking pagtakbo papunta sa bahay. At nagulat na lang ako ng makakita ako ng napakaraming itim na mga sasakyan sa labas ng bahay kaya nagmamadali akong pumasok sa loob. Pagpasok ko sa loob ay nanlaki ang aking mga mata sa gulat ng makita ko si Peter na may dalang baril at nandoon din ngay
