THE FAILED MISSION
EPISODE 52
GUSTO KO nang mamatay. Wala nang saysay ang buhay ko sa mundong ‘to. Hindi na rin naman ako makakaalis kung nasaan ako ngayon eh. At kung makakaalis man ako rito, wala na rin akong pupuntahan pa. Mag isa na lang ako.
“Hindi ka pa rin ba magsasalita? Gusto mo talagang masaktan ah?!” galit na sigaw ng babaeng agent na pumunta dito sa loob ng kwarto kung saan ako nakakulong.
May dala silang isang bagay kung saan kapag ididikit nila ito sa aking katawan ay mapapaso ako at masasaktan ng sobra. They will torture me with that thing.
“Wala nga akong alam,” nanghihina kong sabi.
Ilang ulit na nila akong tinatanong tungkol kay Peter at kung sino pa ang mga kasabwat nito—kung ano ang susunod na hakbang nila.
Wala akong kaalam-alam kaya wala rin akong masasagot. Ay
