Pero halos papakin na siya ng mga lamok sa may teresa sa labas ay hindi pa rin nakakauwi si Dok Yago. Nang tignan niya ang cellphone niya para silipin ang oras ay alas otso na ng gabi.
Si Chloe ay kanina pa natutulog at namumugto ang mga mata nito nang makita niya.
Papasok na sana siya sa loob nang makarinig siya ng ugong ng tunog ng sasakyan kaya minabuti niyang hintayin na lamang ang pagpasok nito.
Ilang sandali pa kita niya itong naglakad papasok kaya sinundan niya ito.
"Si Chloe?" seryosong tanong nito habang nagtatanggal ito ng suot nitong sapatos.
"Bakit ngayon ka lang?" seryosong tanong niya rito.
Kita naman niyang mariin itong napatingin sa kan'ya at tila hindi makapaniwala sa tinanong niya.
"Excuse me?"
"Bakit? Dadaan ka ba? Ang luwang ng bahay mo," seryosong sagot niya r
