Dahil sa nangyari kanina ay hindi siya mapalagay. Ano kaya kung dalhan niya ng paborito nitong ginataang kalabasa si Dok Yago?
Oo tama!
Mabilis siyang nagpunta sa may kusina para tignan kung kumpleto ang mga rekado na gagamitin niya. Mabuti na lamang at parang grocery store itong bahay nina Yago sa dami ng mga pagkain. Isang malaking sana all!
Maagang pinauwi sina Chloe ngayon dahil may meeting ang mga teachers nila kaya saktong-sakto ang binabalak niya.
"Huy, Ana? Anong ginagawa mo?" biglang tanong ni Lina na katatapos lang maghugas ng plato.
"Ipinagluluto ko ang picture asawa ko. Bakit?" mataray na sagot niya rito.
"Nangarap ka na naman. Hoy, baka hindi mo pa alam na sa susunod na linggo ay darating na si Ma'am Bianca," atribidang sabi nito.
"Oh ngayon?" Walang pakialam na sabi n
