"Manang, pakisabi nga kay Sir Dok na walang pasok ngayon si Chloe dahil may event sa school," seryosong sabi niya kay Manang Luz habang kumakain sila ng agahan.
Bigla naman napatingin sa kan'ya ang matanda.
"Manang, pakisabi kay Miss Cantutay na alam ko naman at hindi ako aalis at makikipag-bonding ako sa mga anak ko," seryosong sabi rin ni Yago habang umiinom ito ng kape.
"Manang, pakisabi kay Sir Dok na mabuti naman at nakapag-isip-isip na siya ng tama," sagot niya.
"Manang, pakisabi nga sa kan'ya na huwag niya na akong pakikialaman sa mga desisyon ko at huwag akong pangunahan."
"Manang-"
"Teka nga! Kayong dalawa e bakit hindi mag-usap eh magkatabi lang naman kayo?" naguguluhang tanong ni Manang Luz sa kanilang dalawa.
"Ayaw ko ho siyang kausapin Manang Luz, hangga't hindi siya hu
