"HAPPY 1st monthsary!"
Awtomatikong napaingos si Cat nang marinig iyong sabihin ni Brix. Kausap niya ito sa kabilang linya - madaling araw na. Napilitan siyang sagutin ang tawag nito dahil ayaw talaga siyang tantanan. Tadtad pa ng message ang inbox niya.
"Ano'ng monthsary-ng pinagsasabi mo?" nakapikit pang tanong niya. Antok na antok siya.
"First monthsary nga natin, hays! Tanda mo 'yong araw na unang beses kitang sinundo sa work mo, the same day you became my girlfriend."
Natawa siya. Naalala niya nga. Pero hindi ang eksaktong petsa. "Talagang tinandaan mo ang araw na 'yon ah." Pero naisip niya, matagal-tagal na rin mula nang 'guluhin' siya nito. Parang aabot na nga ng isang buwan.
"Siyempre naman. Special day natin 'yon."
At muli siyang natawa. "Special daw. Dami mong alam."
"Wa
