HADEN:
LUMIPAS ang mga araw na mas bumuti na rin ang lagay ng panahon at mga evacuees. Ang foundation nila Sofi ang halos umako lahat ng gastusin ng pabahay sa mga taong nawasak ang tahanan. Maging ang mga nawalan ng kabuhayan ay sila ang nagbigay ng financial support para sa paninimula nila.
Nanatili din si Kuya dito. Kahit hindi siya pinapansin ni Sofi ay patuloy pa rin sa pagpapapansin kaya palagi kaming magkadikit ni Sofi. Kapag kasi nasa tabi lang ako ng asawa ko ay hindi ito nakakalapit para kausapin ito. Pero palaging nakamata kay Sofi at kita ang pangungulila at lungkot sa mga mata niya.
May parte sa puso ko ang naaawa sa kanya. Pero kung naiisip ko ang dahilan kung bakit nawala si Sofi sa kanya at napunta sa akin? Naglalahong parang bula ang awa ko para dito. Hindi deserve ni
