SPICEY'S POV
HINDI na ako nagulat sa inasal ni Irene nang hindi ako pumayag sa bagay na gusto niyang gawin. Gaya nga ng sinabi ko, inaalagaan ko ang pangalan ko. Kung hindi ganoon ang tingin niya roon, hindi ko na problema iyon. Kung siya, kaya niyang isaalang-alang ang pangalan niya para doon, hindi ako ganoon.
Sa industriya namin, hindi naman talaga illegal ang pagiging ghost writer, iyon lang ang bagay na hindi pwedeng ipagmalaki dahil hindi iyon katanggap-tanggap. Ang iba ay ginagawa iyon para kumita ng pera. Ang iba naman ay dahil sa hindi sila kumpyansado sa mga sinusulat nila. Para sa kanila, hindi dapat iyon pinagmamalaki kaya nakontento na lang sila sa pagiging ghost writer.
At ang iba namang writer ay humahanap ng ghost writer tulad ni Irene para maihabol ang pending works. K
