SCHEDULE ng jogging ni Audrey nang sumunod na umaga kaya kahit na luluwas siya ay inuna pa rin niya iyon. Twenty minutes lang siyang nag-jogging, sapat upang magising ang lahat ng ugat niya at maikondisyon ang katawan. Papasok na uli siya sa bahay niya nang makita niyang nasa labas si Rico, nakatalikod at nagpupunas ng kotse.
Tumanghod siya sa gate nito. “Hi! Puwedeng makipagkilala?”
Nilingon siya nito. “Hindi ako nakikipagkilala sa taong sumpungin,” supladong sagot nito.
Tinanggal niya sa pagkakatrangka ang gate at pumasok na. “Ikaw yata ang may sumpong, eh. Umagang-umaga, ang dilim ng tingin mo sa mundo.” Naupo siya sa hood ng kotse nito.
“Baka kalawangin iyan. Pawis na pawis ka pa naman,” wika nito na ngumisi na. “Ano, wala ka nang sumpong?”
“Bakit sin
