“HI!” BATI ni Audrey kay Rico. Palabas siya ng gate para mag-jogging at sa hitsura nito ay papauwi naman ito. Galing marahil ito sa bakery dahil supot ng pandesal ang nakita niyang hawak nito.
“O, magdya-jogging ka?” sabi naman nito sa kanya. “Gusto ko nga rin sana, kaso, pagkaalmusal, kailangan ko nang umalis. “Sabay na lang tayong mag-breakfast. Bukas ka na mag-jogging.”
Sa tono nito, alam niyang sinsero ito sa pag-aalok sa kanya. “Oo ba,” aniya at sumama na papasok sa bakuran nito.
Pagkatapos ng gabing iyon, isang buong araw na wala silang communication sa isa’t isa. Hindi siya nito tinawagan sa salon at hindi rin naman ito nagpakita sa kanya gayong maaga siyang umuwi. And she was dreading every minute of it. Nag-iisip siya na baka nasira na ang friendship nila dahi
