May pagmamadali ang mga kamay ni Jiro na tinungo ang browser at t-in-ype sa search box ang web address ng sikat na writing platform kung saan pina-publish ni Carmela ang kanilang kuwento.
W*ttpad.
Nag-enter na siya agad pagkalitaw pa lang ng web address sa search bar. Mabilis naman siyang idinerekta nito sa naturang website.
Nag-log in kaagad siya at mula sa kanyang library ay binuksan niya roon ang novel nito. Pinindot ang continue button at mabilis na binasa ang mga nakasulat sa kabanata 47.
Malakas ang kabog sa kanyang dibdib. Pakiramdam niya ay may mga katanungan siyang malinaw na masasagot ngayon ng After All na isinulat mismo ni Carmela sa sarili nitong POV.
Kakamot-kamot ako ng ulo na unti-unting pumihit patalikod, hindi pa rin ma-gets kung ano ang sinabi ni sir Pelaez. Na wal
