JARRED
"Hanapin n'yo ang Azzerdon na iyon! Nandito lang iyon sa paligid ng M.U.." galit kong utos sa mga tauhan.
Ang gagong iyon! Pagkatapos turukan ng kung anong imbensyon niya si Ellaina ay basta na lang nagtago at isinama pa talaga si Danica sa pagkukulong nito sa kung saan mang silid sila naroon. Heto at hanggang ngayon ay hindi pa rin nagkakamalay ang asawa ko. Nagpatawag na ako ng totoong doktor kay Chad kahapon pero wala ring naitulong iyon. Ganoon ba ang eksperimento ni Azzerdon? Ang patulugin si Ellaina nang mahabang panahon? Palpak na naman ito! At nakakainis dahil nagtago pa ang loko. Wala akong mapagbuntunan ng inis.
"Jarred, normal naman ang vitals ni Ellaina, eh. Baka kailangan lang ng sapat na pahinga ng katawan niya," wika ni Seb. Sila ni Angelo ang naiwan sa rooftop. S
