ELLAINA
MULA sa rooftop ay tanaw ko ang pag-alis nina Danica at Azzerdon. Ihahatid ng kapatid ko ang babae pabalik sa mansyon ni Julio. Parang gusto kong sumama dahil nami-miss ko na si Jarella. Kaya lang ay alam kong hindi pa pwede. Ayokong dagdagan ang bigat sa aking dibdib kaya titiisin ko muna ang pananabik sa aking anak. Kapag natapos ang lahat ng ito ay magsasama-sama na ulit kaming tatlo ng daddy niya. Sa ngayon ay kailangan kong libangin ang sarili para kahit papaano ay makalimutan ko ang pagka-miss kay Jarella.
Huminga ako nang malalim nang tuluyang mawala sa aking paningin ang kotse ng kapatid. Pagkuway umalis ako sa tapat ng railing at pinuntahan si Jarred sa kwarto.
“Umalis na sina Azzerdon at Danica,” kaswal kong saad.
“Are you sad?” he asked. Inabot niya ako para mapaup
