GIGIL na gigil si Jackie nang makauwi ng bahay. Hindi siya nakakura sa kanyang asawa ng pera. Pinagdadamutan na siya nito. Kahit naman dalawang taon na silang hiwalay ay sa tuwing pupunta siya rito para humingi ng allowance niya, wala ng salita at bigay agad ito.
"Kasalanan ito ng batang babae na 'yon. Makikita niya," inis na usal niya saka marahas na napabuga ng hangin. Pabagsak siyang humiga sa kama.
Biglang bumukas ang pintuan ng banyo at iniluwa niyon ang kanyang nobyo.
"Hon, andito ka na pala. Kumain ka na ba?" tanong nito na naglalakad palapit sa kanya.
"Hindi pa nga ako kumakain. Pa'no ba naman pinuntahan ko si Sam sa ospital niya? Nanghingi ako ng pera ayaw akong bigyan."
Napapiksi si Anton. Umupo siya sa hilid ng kama. "Hayaan mo na kasi ang dating asawa mo na 'yon. Kulang p
