“BAKIT kailangan mong malaman ang sagot ko, Zayd?” salubong ang kilay na tanong ni Elli. “Kung gusto mong bumalik sa buhay ko hindi mo kailangan ng assurance. Saka hindi ko kayang ipangako ‘yan sa ‘yo ngayon. Masyado na ‘kong maraming iniisip para idagdag ko pa ‘yan.”
“Gusto ko lang malaman, Elli. Naiintindihan ko ‘yang pinagdadaanan mo, kaya nga gusto kitang samahan sa mga pinoproblema mo,” sincere na sabi niya sa dalaga. “Hindi ko kayang nakikita na nahihirapan ka nang ganiyan.”
“Zayd, hindi naman kita pinapaalis dito. Salamat kasi dinala mo rito ang totoong ama ni Elias. Alam kong malaki ang kasalanan ko sa nangyari dahil basta na lang akong naniwala sa sinabi sa ‘kin ni Nikka at kahit na magsisi ako sa nangyari noon hindi na rin naman mababago no’n ang katotohanan na hindi ko na kaya
