NANG tumawag si Zayd kay Elli at tanungin nito kung saang ospital niya dinala ang bata ay hindi naman siya nagdalawang-isip na sabihin dito kung nasaan sila. Iniisip lang niya na baka nakapag-isip na ito at gusto na nitong makita ang bata.
“Tinawagan mo na ba si Nikka, anak?” tanong ng Mama niya kaya napatingin siya rito mula sa pagkakatulala niya sa kawalan.
“Hind pa, Ma, at sa tingin ko naman hindi na niya dapat na malaman pa,” walang emosyon na sagot niya.
“She has to, Elli, siya pa rin ang totoong ina ni Elias, kung nagawa mo ngang sabihin kay Zayd bakit hindi mo magawang sabihin sa kaniya?”
“Hindi rin naman siya kilala ni Elias, Ma, ako ang ina ng bata at wala nang lugar pa si Nikka sa buhay ni Elias,” pagmamatigas pa rin niya.
“Naiintindihan kita pero sabihin mo pa rin sa kaniya
