NAGULAT si Elli nang lumabas si Zayd mula sa silid, hindi pa rin siya makatingin sa mga mata nito. Naupo ito sa couch sa gilid niya samantalang siya ay nakaupo pa rin sa sahig.
“Elli, kakatila pa lang ng ulan at past 6 PM na, hindi na tayo makakauwi nang ganitong oras,” paliwanag naman nito sa kaniya.
“Okay lang, naiintindihan ko,” sabi naman niya nang hindi makatingin sa mga mata nito.
“Ikukuha lang kita ng pagkain sa labas, para makakain muna tayo bago magpahinga, maaga na lang tayong umalis bukas.” Pagtapos ay tumayo na rin ito agad saka lumabas ng barracks.
Naiwan siyang mag-isa roon at dahil wala naman siyang ibang magawa kaya tumingin na lang siya ulit sa cellphone niya. Ngayon siya nagsisisi bakit hindi niya nagawang install-an ng laro ang phone niya na iyon, noong pumapasok pa
