MAAGANG nagising si Elli dahil sa sunud-sunod na pagtunog ng phone niya, hindi niya namalayan na nakatulog siyang hawak-hawak iyon dahil hinihintay niyang mag-text or tumawag si Zayd. Agad niyang sinagot ang tawag nang hindi niya tinitingnan kung sino iyon.
“H-hello?” inaantok pa na sagot niya.
“Hello, Elli!” boses ni Ash iyon at nagpa-panic ang boses nito.
“Oh, bakit? May problema ba?” nag-aalala namang tanong niya at doon na tuluyang nagising ang diwa niya.
“Anong bakit? Baka nakakalimutan mo ngayon ang appointment natin sa ArchiPark?” Agad siyang napabalikwas ng bangon dahil sa sinabi nito.
“Ano? Ngayon na ba iyon?”
“Oo, bakit hindi ka man lang ba nag-check ng email mo kagabi?”
“Hindi, eh, wait…” pagtapos ay inilayo niya sa tenga niya ang cellphone para i-check kung may email ng
