“HINDI IBIG sabihin na nandito kami, pumapayag na kaming mag-asawa sa kalokohang nagawa ng anak namin. Gusto kong malaman ninyo na hindi pa rin ako pabor sa nangyaring ito. Pero ayaw ko lang ng gulo kaya kami pumayag na makipag-usap sa inyo.”
Kulang na lang lumuwa ang mga mata ni Rosaline sa narinig mula sa daddy ni Kentt. Istrikto pala ito.
“Hon, huwag ka namang magsalita ng ganyan. Nakakahiya sa kanila. Saka isipin mo naman ang magiging apo mo, apo natin,” sabad ni Doktora Bonifacio.
“Ah, o-okay lang po. Naiintindihan ko po kayo,” nahihiyang saad ni Rosaline.
“No! It’s not okay. Hindi ko pinipilit na panagutan ng anak ninyo ang nangyari sa kanila ng anak ko. Kung hindi bukal sa loob ninyo ang pagpunta rito, puwede na kayong umalis. Kaya ko namang alagaan ang anak ko at magiging apo k
