NIKITA’S POV
Sabay-sabay kaming nag-breakfast. Siguro kailangan ko na talagang sanayin ang sarili ko na sila ang kasabay ko sa pagkain. Dati madalas wala akong kasabay dahil kahit magkasama kami sa bahay ni Jelly ay magkaiba naman ang schedule ng trabaho naming kaya madalang din kaming magsabay kumain.
“Wala ba kayong balak na puntahan para sa honeymoon ninyo? Out of the country or Palawan?” biglang tanong ni Mamita.
Mabilis ko naming nalunok ang pagkaing nasa bibig ko kahit hindi ko pa iyon nangunguya ng maayos dahil sa tanong niya.
“I am still busy in the office. I can’t leave my work easily, you know that,” sagot ni Xerxes.
Hindi rin naman naming kailangan mag-honeymoon dahil hindi naman kami gaya ng ibang mag-asawa. Mas okay na sa akin na hindi kami umalis na kaming dalawa lang.
