NIKITA
Napatitig ako kay Xerxes. Parang bata siya habang natutulog. Gigisingin ko n asana siya nang may marinig akong mahinang katok kaya nagtungo ako sa pinto.
“Bakit?” pabulong na tanong ko sa kaniya.
“Nandito na ang breakfast mo,” sagot niya habang malaki ang ngiti. Napakunot naman ang noo ko sa kaniya. Tumingin siya sa loob at nakita niya si Xerxes na nakahiga sa kama ko. Hinawakan niya ang kamay ko at hinila ako palabas.
“Saan iyan galing?” nagtatakang tanong ko habang nakatingin sa mga pagkaing nasa mesa ngayon. Ang dami noon. “Umorder ka?”
Umiling siya bago naupo. “Hindi ako, ang asawa mo.”
Tumikwas ang kilay ko sa sinabi niya. Gusto kong kontrahin ang sinabi niya pero totoo naming asawa ko na si Xerxes kaya hindi na lang ako nagsalita at umupo na ako. Ang dami niyang inorder,
