IZA’s POV
Natapos ang oras para sa subject namin kay Kuya Doz nang hindi pa rin sila nakakabalik ni Jabin. Bakit kaya ang tagal nila? Kanina pa kami naghihintay, at nagkaroon pa ng bulong-bulongan dahil sa Mommy ni Jabin. Nandito na naman ang mga mapanghusgang tingin dahil narinig nila na ako ang hinahanap.
“Anong mayroon at napasugod ang Mommy ni Jabin? Bakit ka hinahanap?” tanong sa akin ni Cez. Siya agad ang lumapit sa akin pagkarinig namin sa bell. Tumayo na kami.
Tinginan lang ang ginawa namin kanina at hindi namin ginaya ang iba naming kaklase na nag-umpukan. Pinilit kong pakalmahin ang sarili ko, kahit mabigat ang dibdib ko.
May bahagi ng aking puso ang natuwa dahil sa sinabi sa akin ni Kuya Doz. Bigla kong naramdaman na may kaunti pa siyang pag-aalala sa akin—o dahil iyon bila
