MAAGA pa ay handa na ang mga gamit nina Juancho at Georgina. Hindi na nga magkandaugaga ang dalaga sa pagsagot sa mga katanungan ni Juancho. Unang beses kasi nilang aalis ng syudad at tila short weekend getaway na nila ito. 'Yun nga lang, kasama ang matandang landlady. Gabi pa lang ay nagpraktis na sila kung paano silang a-arteng mag-asawa sa harap ng matanda.
"Ano ba ang tawagan ng pang mag-asawa? Puwede naman siguro ang mahal? Asawa ko? Yuck! Ano ba 'yan, nakakasuka!" Pagrereklamo ng dalaga habang iniisip ang possibleng tawagan nila ni Juancho sa dalawang araw na stay nila sa Baguio.
Natatawa na lamang si Juancho na pinagmamasdan siya habang kinakausap ang kanyang sarili.
"Mahal," bulalas ni Juancho.
"Yes, mahal? I mean, ano ba! B-bakit?" Muntik na doon si Georgina.
"Mahal na laman
