[ANASTASIA DIMAKATARUNGAN]
Hapit sa bandang baiwang ang suot kong dress, na hanggang sa ilalim naman ng tuhod ko ang haba. Katulad nga ng sinabi sa akin, baby blue ang kulay ng susuotin, kaya heto, baby blue ang suot ko. Ewan ko ba kung bakit ako komportable sa suot ko, gayung labas na labas ang likuran ko.
"Ang sexy." Nakangising pinasadahan ako ni Sibuyas ng malagkit na tingin.
Ewan ko kung bakit nandito siya, eh, wala naman akong maalala na imbitado siya sa kasal.
Pero isa lang ang nasi-siguro ko: kapamilya siya ng mga McGregor. Niloloko niya lang kami pero yayamanin talaga ang lalaking ito.
Inirapan ko siya. "Tigilan mo ako at badtrip ako."
Ngumisi siya at inakbayan ako. Nakasuot lang naman siya ng magarang suit. At alam kong hindi lang ito basta binili sa Divisoria. Itong suot k
