"Anong nangyari?" tanong niya.
"Miss, ayos ka lang?" Nagpantig ang tenga niya sa tanong ng kung sino. Salubong ang kilay na agad siyang tumayo, gumewang pa siya at muntik nang matumba dahil sa tila umiikot niyang paningin mabuti na lamang at nasalo siya ng lalaki.
Mabilis niya itong itinulak at namewang sa harap nito. "Tatanungin mo ako kung ayos lang ako? Ikaw kaya batuhin ko ng bola sa ulo tapos pakainin ko ng buhangin tapos itanong ko sa'yo, 'mister, ayos ka lang'?" Sa bilis nang pagsasalita niya ay nagtalsikan ang mga buhangin na nasa bibig at ilong niya papunta sa mukha ng kausap. "Bakit ba may bola kayo? Naglalaro kayo di niyo alam na maari kayong makatama ng tao at makasakit." Patuloy siya sa pagsasalita habang ito ay nakatingin lang sa kanya.
"Hindi naman ako ang naglalaro, bu
