"Tigil," sigaw niya at mariing napapikit sa pag-aakalang hindi iyon titigil. Napadilat siya ng ilang minutong nakatayo pa rin siya. Napatingin siya sa driver at lumapit dito. "Kuya, kuya," paulit ulit niyang kinatok ang binata hanggang sa ibaba iyon ng lalaki. "Pwede ba akong makisakay may hahabulin lang ako."
Napapakamot sa ulo ang lalaki at halatang hindi payag. "Hindi ho sa'kin ang sasakyan na 'to, ma'am. Service po ito ng resort may inutos lang sa'kin kaya gamit ko ito."
Napatingin siya sa suot nito at nakitang may logo nga ng resort ang damit. "Sandaling sandali lang, Kuya. May hahabulin lang ako."
"Asawa niyo ho ba ang hahabulin niyo?"
Umiling siya. "Hindi, boyfriend ng kaibigan ko. Sige na naman kuya," nagmakaawa siya habang ito ay nakatitig lang sa kanyang mukha. "Please, sige
